आइसिसी विश्वकप लिग–२ : नेपाल अमेरिकासँग ३७ रनले पराजित
काठमाडौं । आइसिसी विश्वकप लिग–२ अन्तरगत शनिबार भएको खेलमा नेपाल अमेरिकासँग ३७ रनले पराजित भएको छ ।
अमेरिकाले दिएको २ सय ८२ रनको लक्ष्य पछ्याएको नेपाल २ सय ४४ रनमा अल आउट भयो ।
नेपालका लागि ओपनर अनिल साहले ८० बलमा चार चौका र एक छक्कासहित सर्वाधिक ५२ रन जोडे भने अर्का ओपनर आसिफ शेख ६ रनमै आउट भए ।
टस जितेर बलिङ रोजेको नेपालका तर्फबाट गुल्शन झाले तीन विकेट, सोमपाल कामी र सन्दीप लामिछाने दुई, दुई र कुशल भुर्तेलले एक विकेट लिए ।
अमेरिकाका साइतेजा मुक्कामाले ७५, कप्तान मोनाक पटेलले ६७ र ५९ जोडेका थिए । सिरिजअन्तर्गतको अन्तिम खेल नेपालले स्कटल्यान्डसँग सोमबार खेल्नेछ ।
