विराटनगरबाट शंकास्पद अवस्थामा रहेको कारबाट ५ सय ३८ किलोग्राम गाँजा बरामद
मोरङ, असोज ०३ गते । जिल्ला प्रहरी कार्यालय मोरङले विराटनगर महानगरपालिका-८ स्थितबाट लागू औषध गाँजा बरामद गरेको छ ।
असोज २ गते राती प्रदेश १-०२-००१ च १६६६ नम्बरको कार बाटोमा शंकास्पद अवस्थामा रहेको भन्ने जानकारी पाउनासाथ जिल्ला प्रहरी कार्यालय मोरङ र वडा प्रहरी कार्यालय हाटखोला बाट खटिएको प्रहरी टोलीले कारबाट ५ सय ३८ किलोग्राम गाँजा बरामद गरेको हो ।
गाँजा बरामद भए संगै चालक र कारोबारमा संलग्नहरुको खोजतलाश भई रहेको छ ।
