बेलबारी नगरपालिकाले भन्यो : पुनःनिर्माणका नाममा कसैले पनि रकम संकलन नगर्नुस्
मोरङ । मोरङको बेलबारी नगरपालिकाले पुनःनिर्माणका नाममा कसैलाई पनि रकम संकलन नगर्न चेतावनी दिएको छ ।
भाद्र २३ र २४ गतेको जेनजी आन्दोलनका कारण नगरपालिका सहित अन्तर्गतका कार्यालयहरूमा भएको भौतिक क्षतिको पुनःनिर्माणका नाममा रकम संकलन भइरहेको भन्ने सूचनाबारे नगरपालिकाले चेतावनी दिएको हो।
क्षतिग्रस्त संरचनाको पुनःनिर्माणका लागि बेलबारी नगरपालिका बाट कुनै पनि संगठन, समूह, संस्था वा व्यक्तिलाई रकम संकलन गर्ने अनुमति वा निर्णय गरिएको छैन ।
प्रमुख प्रशासकीय अधिकृत संजय बहादुर राजलवटले विज्ञप्ति जारी गर्दै नगरपालिकाको नाममा रकम संकलन भइरहेको भनी भ्रममा नपर्न नगरबासीलाई आग्रह गरेका छन्। उनले नगरपालिकाले पुनःनिर्माणका सबै प्रक्रिया आधिकारिक ढंगले मात्र अघि बढाउने स्पष्ट पारेका छन्।
पुर्ननिर्माणका नाममा बेलबारी ८ सहितका वडामा केही ब्यत्तिहरुले रकम संकलन गरिरहेको समाचार यसअघि प्रकाशन र प्रसारण भएका थिए ।
