खुम्बु पासाङल्हामु गाउँपालिकामा ट्र्याक्टर सञ्चालनमा पूर्ण रोक
सोलुखुम्बु । खुम्बु पासाङल्हामु गाउँपालिका क्षेत्रमा ट्र्याक्टर सञ्चालन गर्न यसअघि नै निषेध गरिएको भए पनि हाल केही स्थानमा ट्र्याक्टर सञ्चालन भइरहेको पाइएको छ ।
वातावरणीय संरक्षण, प्राकृतिक सम्पदा सुरक्षित राख्ने र स्थानीय भौगोलिक संरचना जोगाउनुपर्ने आवश्यकतालाई दृष्टिगत गर्दै गाउँपालिकाले पुनः कडाइका साथ निर्णय गर्दै अब उपरान्त सम्पूर्ण गाउँपालिका क्षेत्रमा ट्र्याक्टर सञ्चालन पूर्ण रूपमा रोक लगाइएको जानकारी दिएको छ ।
