झापाको बिर्तामोड यात्रुवाहक बस दुर्घटना अपडेट : दुई जनाको मृत्यु,१३ जना घाइते (नामावली सहित)
झापा । झापाको बिर्तामोडमा यात्रुवाहक बस दुर्घटना हुँदा दुई जनाको मृत्यु भएको छ भने १३ जना घाइते भएका छन् ।
आज मिति २०८२ साल असोज १६ गते बिहान ९:३० बजेतिर पूर्व-पश्चिम राजमार्गअन्तर्गत बिर्तामोड नगरपालिका-६, गिरिबन्धु टि-स्टेट अगाडि उक्त दुर्घटना भएको हो ।
प्रहरीका अनुसार बिराटनगरबाट काँकडभिट्टातर्फ जाँदै गरेको सगरमाथा यातायातको प्र १-०१-००१ ख ४४५९ नम्बरको यात्रुवाहक बस आफैँ अनियन्त्रित भई दुर्घटना भएको थियो ।
दुर्घटनाको जानकारी प्राप्त हुनासाथ इलाका प्रहरी कार्यालय (इ.प्र.का.) अनारमनीबाट खटिएको प्रहरी टोलीले घाइते तथा मृतकहरूको उद्धार गरी उपचारका लागि बी एन्ड सी अस्पताल पठाएको छ।
मृतक तथा घाइतेको विवरण
दुर्घटनामा परेर दुई जनाको मृत्यु भएको छ:
| क्र.सं. | मृतकको नाम | ठेगाना | उमेर | विवरण |
|—|—|—|—|—|
| १. | दिनेश कुमार भट्टराई | सुनसरी, इटहरी न.पा.-११ | ४६ वर्ष | यात्रु |
| २. | राज कुमार चौधरी | मोरङ, रङ्गेली न.पा.-२ | ४२ वर्ष | बसका कन्डक्टर |
घाइते हुने १३ जनामध्ये केहीको अवस्था मध्यम र अधिकांशको अवस्था सामान्य रहेको छ:
| क्र.सं. | घाइतेको नाम | ठेगाना | उमेर | चोटको अवस्था |
|—|—|—|—|—|
| १. | गुलसन राज शर्मा | सुनसरी, इटहरी न.पा.-११ | ३८ वर्ष | हातखुट्टामा सामान्य चोट |
| २. | अंकिता शर्मा | सुनसरी, इटहरी न.पा.-११ | ३६ वर्ष | हातखुट्टामा सामान्य चोट |
| ३. | मनसुइ शर्मा | सुनसरी, इटहरी न.पा.-११ | ६ वर्ष | टाउकोमा चोट (मध्यम) |
| ४. | बिनु शर्मा | सुनसरी, इटहरी न.पा.-११ | ३७ वर्ष | टाउकोमा चोट (मध्यम) |
| ५. | सोम कुमार भुजेल | मोरङ, बिराटनगर म.न.पा.-२ | ४२ वर्ष | हातखुट्टामा सामान्य चोट (सहचालक) |
| ६. | गंगा लिम्बु | पाँचथर, कुमायक गा.पा.-६ | २८ वर्ष | हातखुट्टा र अनुहारमा सामान्य चोट |
| ७. | लोजिहाङ लावती | झापा, कमल गा.पा.-७ | ८ वर्ष | टाउकोमा चोट (मध्यम) |
| ८. | सुहाना लिम्बु | झापा, कमल गा.पा.-७ | २३ वर्ष | हातखुट्टामा सामान्य चोट |
| ९. | मेङ्सो लिम्बु | झापा, कमल गा.पा.-७ | ५ वर्ष | हातखुट्टामा सामान्य चोट |
| १०. | अनुषा भट्टराई | मोरङ, बिराटनगर म.न.पा.-१ | १७ वर्ष | सामान्य |
| ११. | मन्जु खतिवडा | मोरङ, बिराटनगर म.न.पा.-१ | ३६ वर्ष | हातखुट्टा र अनुहारमा सामान्य चोट |
| १२. | राधिका खतिवडा | झापा, दमक न.पा.-१ | ६० वर्ष | हातखुट्टा र अनुहारमा सामान्य चोट |
| १३. | राकेश लिम्बु | ताप्लेजुङ, फाक्ताङलुङ गा.पा.-१ | – | हातखुट्टा र अनुहारमा सामान्य चोट |
चालक फरार
दुर्घटनापछि बसका चालक तत्काल घटनास्थलबाट फरार भएका छन् । फरार चालकको खोजी कार्य भइरहेको र दुर्घटनाबारे थप अनुसन्धान जारी रहेको प्रहरीले जनाएको छ।
