बर्दिबासमा बस दुर्घटना,एक जनाको मृत्यु
महोत्तरी । महोत्तरीको बर्दिबास नगरपालिका–खैरमारामा आज बिहान भएको बस दुर्घटनामा एकजनाको मृत्यु भएको छ भने २० जना घाइते भएका छन्।
इलाका प्रहरी कार्यालय बर्दिबासका अनुसार काठमाडौंतर्फ जाँदै गरेको ना ६ ख १४६३० नम्बरको बस अनियन्त्रित भई सडकमा पल्टिँदा दुर्घटना भएको हो। दुर्घटनामा स्थानीय करिब ८० वर्षीय चुल्हाइ चौधरीको मृत्यु भएको छ।
बसमा सवार २० जना घाइतेमध्ये ४ जनाको अवस्था गम्भीर रहेको छ। घाइतेहरूमध्ये एकजना सवारीसाधनमै च्यापिएको अवस्थामा भेटिएको र उद्धारपछि अस्पताल पठाइएको प्रहरीले जनाएको छ।
दुर्घटनाको वास्तविक कारण खुलेको छैन। घटनास्थलमा पुगेको प्रहरी टोलीले आवश्यक अनुसन्धान सुरु गरेको जनाएको छ।
