बिर्तामोडको इलाम स्ट्यान्डबाट एक महिला बेपत्ता
झापा । बिर्तामोडको इलाम स्ट्यान्डबाट एक महिला बेपत्ता भएकी छन् । हिजो दिउँसो ४.४५ बजे बिर्तामोड– ५ स्थित इलाम स्ट्यान्डबाट बुद्धशान्ति गाउँपालिका–७ सुनमाई बस्ने कालीबहादुर तामाङकी श्रीमती वर्ष ६८ की फुलमाया तामाङ बेपत्ता भएकी हुन् ।
उनका श्रीमानले इलाका प्रहरी कार्यालय बिर्तामोडमा मौखिक जानकारी गराउनासाथ प्रहरी टोली खटिएर खोजतलास भइरहेको जनाइएको छ ।
महिलाको हुलिया यस प्रकार रहेको छ ।
वर्ण गोरी, उचाइ अन्दाजी ५ फिट २ इन्च, कपाल फुलेको, रातो लुङ्गी र हरियो बुट्टे भेस्ट लगाएकी छन् ।
