धनकुटा प्रहरीमा बिएमआई चेकजाँच
धनकुटा । जिल्ला प्रहरी कार्यालय धनकुटामा प्रहरी कर्मचारीहरूको स्वास्थ्य अवस्थाबारे जानकारी लिन BMI (Body Mass Index) चेकजाँच कार्यक्रम सम्पन्न गरिएको छ ।
जिल्ला अस्पताल धनकुटासँगको समन्वयमा आयोजित कार्यक्रममा जिल्ला प्रहरी कार्यालय तथा मातहतमा कार्यरत प्रहरी कर्मचारीहरूको BMI परीक्षण गरिएको हो ।
कार्यक्रम जिल्ला प्रहरी कार्यालय धनकुटाका कार्यालय प्रमुख प्रहरी उपरीक्षक नारायण रंजितकारको उपस्थितिमा सम्पन्न भएको जिल्ला प्रहरी कार्यालय धनकुटाले जनाएको छ ।
कार्यक्रममार्फत प्रहरी कर्मचारीहरूको शारीरिक तौल र उचाइको आधारमा स्वास्थ्य अवस्थाबारे परीक्षण गरिएको तथा स्वास्थ्यप्रति सचेतना अभिवृद्धि गर्ने उद्देश्य राखिएको बताइएको छ ।
