धनकुटामा गणतन्त्र दिवसको अवसरमा दीप प्रज्वलन कार्यक्रम आयोजना गरिने
धनकुटा,१५ जेठ । गणतन्त्र दिवस २०८३ को अवसरमा धनकुटामा दीप प्रज्वलन कार्यक्रम आयोजना गरिने भएको छ ।
आज साँझ ठीक ६:३० बजे धनकुटा बसपार्कमा आयोजना हुने कार्यक्रममा सम्पूर्ण आम नागरिक, बुद्धिजीवी, युवा, विद्यार्थी तथा सरोकारवाला महानुभावहरूलाई सहभागी हुन आयोजकले अनुरोध गरेको छ ।
कार्यक्रममार्फत राष्ट्रिय एकता, गौरव तथा गणतन्त्रप्रतिको सम्मान अभिव्यक्त गरिने आयोजकले जनाएको छ ।
“विविधतामा एकता, हामी नेपालीको विशेषता” भन्ने नारासहित आयोजना गरिने कार्यक्रममा दीप प्रज्वलनसहित गणतन्त्र दिवस विशेष कार्यक्रम सञ्चालन गरिने बताइएको छ ।
