विराटनगर कारागारमा भेट्न आएका दुई महिलाबाट ४८० थान शंकास्पद ट्याब्लेट बरामद
विराटनगर । मोरङको विराटनगरस्थित कारागार कार्यालयको मुख्य प्रवेशद्वारमा गरिएको नियमित जाँचका क्रममा दुई महिलाबाट ४८० थान शंकास्पद लागूऔषध बरामद भएको छ।
आज दिउंसो विराटनगर महानगरपालिका–८, हाटखोलास्थित कारागारको प्रवेशद्वारमा जाँच गर्ने क्रममा सुनसरीको धरान उपमहानगरपालिका–११ निवासी मेलिना तामाङ र पूर्णिमा तामाङले भित्री वस्त्रको प्याडमा लुकाएर ल्याएका ट्याब्लेट फेला परेको हो।
जाँचका क्रममा हरियो रङका २४० थान र सुन्तला रङका २४० थान गरी जम्मा ४८० थान ट्याब्लेट बरामद गरिएको जनाइएको छ।
बरामद ट्याब्लेटसहित दुवै महिलालाई दिउँसो १२:५० बजे आवश्यक अनुसन्धान तथा कारबाहीका लागि कारागारमा खटिएको नेपाल प्रहरीको टोलीलाई बुझाइएको छ। बरामद ट्याब्लेटको प्रकृति र घटनाबारे थप अनुसन्धान भइरहेको छ।
