बिरामीको उपचारलाई पैसासँग नदाँज्न आग्रह गर्दै प्रधानमन्त्री ओलीले दिए यस्तो निर्देशन
काठमाडौं । प्रधानमन्त्री केपी शर्मा ओलीले मुलुकलाई भ्रष्टाचारमुक्त बनाउने दावी गरेका छन् ।
प्रधानमन्त्री ओलीले आफू नेतृत्वको सरकारले भ्रष्टचार गरे सार्वजनिक रुपमा चुनौति पनि सबैसँग आग्रह गरे । उनले भ्रष्टाचार अन्त्यका लागि माथिल्लो निकाय मातहतको नजर गिर्न नहुने सुत्र पनि प्रस्तुत गरे ।
मनमोहन कार्डियोथोरासिक भास्कुलर तथा ट्रान्सप्लान्ट सेन्टरको आज काठमाडौंमा शिलान्यास गर्दै उनले मुलुक अब आर्थिक समृद्धिको बाटोमा अगाडि बढ्ने बताए । भ्रष्टाचार गर्ने जो कोहिलाई सरकारले नछाड्ने भन्दै उनले भ्रष्टाचार अन्त्य गर्नका लागि सहयोग गर्न सबैसँग अपिल गरे ।
बहुमत प्राप्त सरकारले जनतामुखी काम गर्ने भन्दै ओलीले जनताको काम तुरुन्त गर्न राष्ट्रसेवकहरुलाई निर्देशनसमेत दिए । अस्पताल सेवामुखी हुनुपर्ने भन्दै ओली बिरामीको सेवालाई पैसासँग नदाँज्न पनि आग्रह गरे । पहिले उपचार, त्यसपछि पैसा भन्दै ओलीले आर्थिक अभावका कारण उपचारबाट बञ्चित हुनुपर्ने अवस्थाको अन्त्य गरिने बताए ।
२३ आना क्षेत्रफलमा निर्माण हुन लागेको मनमोहन कार्डियोथोरासिक भवन ३० करोड रुपैयाँको लागतमा बन्ने छ । भवन १९ महिनामा निर्माण भईसक्ने छ भने सुविधा सम्पन्न ४० वटा बेड थपिने अस्पतालका कार्यकारी निर्देशक डा. उत्तमकृष्ण श्रेष्ठले बताए ।
