गुट-उपगुटका कारण नेपाली कांग्रेस समाप्त पनि हुनसक्छ
काठमाडौं । वीपी बिचार राष्ट्रिय समाजका अध्यक्ष कुलबहादुर गुरुङले नेपाली कांग्रेसले बिपीको बिचारलाई आत्मसाथ गर्न नसकेको बताएका छन् ।
राष्ट्रिय मेलमिलापको सन्दर्भमा आज(सोमबार) वीपी बिचार राष्ट्रिय समाजले काठमाडौमा गरेको कार्यक्रममा उनले वीपीको बिचार आत्मसाथ गर्न नसक्दा नेपाली कांग्रेस कमजोर भएको बताए ।
उनले राष्ट्रिय एकता अहिलेको आवश्यकता भए पनि दलहरुबीचको एकता हुन नसक्दा मुलक कमजोर भएको बताए ।
उनले नेपाली काँग्रेसभित्र बढ्दै गएको गुट उपगुटका कारण नेपाली कांग्रेस समाप्त हुने पनि बताए ।
वीपी बिचार राष्ट्रिय समाजका सह अध्यक्ष गोबिन्दराज जोशीले पार्टीभित्र बिचार र सिद्धान्तको राजनीति भन्दा पदको राजनीति हावी हुँदा कांग्रेस धाराशायी हुदै गएको बताए ।
उनले राष्ट्रिय मेलमिलापको सन्दर्भमा प्रजातन्त्र सेनानी तथा जिउदो शहिद केवी गुरुङ, प्रजातान्त्रिक आन्दोलनका योद्धाहरु रामनारायण मिश्र, योगेन्द्रमान शेरचन, सरोजप्रसाद कोइराला, दिवानसिंह राईलगायतको योगदानको बारेमा पुस्तक लोकापर्ण गरिने पनि बताए । इमेज खबर
