पाल्पामा थप १२ जनामा कोरोना संक्रमण पुष्टि
पाल्पा । बुधबार थप १२ जनामा कोरोना संक्रमण पुष्टि भएको छ । यससंगै पाल्पामा कोरोना संक्रमितको संख्या २१ पुगेको छ ।
प्रदेश जनस्वास्थ्य प्रयोगशाला रुपन्देहीमा गरिएको परिक्षणमा कोरोना पोजिटिभ देखिएको स्वास्थ्य तथा जनसंख्या मन्त्रालयले जनाएको छ । संक्रमण भएकाहरु ११ जना पुरुष र १ जना महिला रहेको मन्त्रालयका प्रवक्ता जागेश्वर गौतमले नियमित प्रेस ब्रिफिङका क्रममा जानकारी दिए ।
पछिल्लो समय पाल्पामा झण्डै २२ सय नागरिक भारतबाट भित्रिसकेका छन् । जिल्लामा ३ सय ५० भन्दा बढीको नमुना संकलन भएको छ । पाल्पाका संक्रमित सबैको स्वास्थ्य अबस्था सामान्य रहेको जिल्ला स्वास्थ्य कार्यालय पाल्पाले जनाएको छ । संक्रमण भएका सबैलाइ तानसेनको आइसोलेसनमा लैजाने तयारी भएको माथागढी गाउँपालिकाले जनाएको छ ।
संक्रमितहरु सबैको स्वास्थ्य अवस्था सामान्य रहेको छ । संक्रमितहरु बढीरहदा सजग र सतर्कता अपनाउन आवश्यक रहेको छ ।
