मेलमिलाप प्रदायक निकायहरु र संस्था वीच अनुभव आदान प्रदान कार्यक्रम
धनकुटा । मेलमिलाप प्रदायक निकायहरु र संस्था वीच अनुभव आदान प्रदान कार्यक्रम आज धनकुटामा सम्पन भएको छ । सामुदायिक मेलमिलाप कर्ता समाज नेपाल जिल्ला शाखा धनकुटाको आयोजनामा तथा धनकुटा नगरपालिकाको सहकार्यमा कार्यक्रम सम्पन्न भएको हो ।
कार्यक्रममा सातै स्थानिय तहका प्रमुख तथा उपप्रमुखहरु संग मेलमिलाप लाई कसरी प्रभावकारी बनाउने साथै सवै वडाहरुमा कसरी यस केन्द्रलाई स्थापना गर्ने भन्ने विषयमा छलफल भएको संस्थाले जनाएको छ । सामुदायिक मेलमिलाप कर्ता समाज नेपाल जिल्ला शाखा धनकुटाका अध्यक्ष निलबहादुर थापाको अध्यक्षतामा सम्पन्न कार्यक्रममा सातै स्थानिय तहका प्रमुख तथा उपप्रमुखहरुले स्थानिय तहमा न्याय निरुपण गदै त्यहाँ भएका कठिनाईहरुको विषयमा आ – आफ्नो धारणा राखेका थिए ।
कार्यक्रममा जिल्ला समन्वय समितिका प्रमुख टंक चौहान, सातै स्थानिय तहका प्रमुख तथा उपप्रमुखहरु, सातै स्थानिय तहका मेलमिलाप सामाजका अध्यक्षहरु, संस्थाका प्रदाधिकारीहरु लगायतको उपस्थिती रहेको थियो । कार्यक्रमको सञ्चालन संस्थाका सचिव प्रर्शुराम मल्ल गर्नु भएको थियो भने स्वागत मन्तव्य संस्थाका उपाध्यक्ष अगम वहादुर थापाले राख्नु भएको थियो ।
यो पनि पढ्नुहोस्…
२५० मेगावाट क्षमताको सौर्य ऊर्जा परियोजनामा समझदारी
काठमाडौँ, १३ माघ (रासस) ः
देशभित्र हालसम्मकै ठूलो सौर्य परियोजना अगाडि बढ्ने भएको छ । लगानी बोर्ड र प्रवद्र्धक कम्पनीबीच आज परियोजनाको विस्तृत सम्भाव्यता अध्ययन प्रतिवेदन(डिपिआर)तयार पार्ने लक्ष्यका साथ समझदारीपत्रमा हस्ताक्षर भएको छ ।
बोर्डका उपसचिव एवं सहप्रवक्ता रमेश अधिकारीका अनुसार ४० मेगावाट क्षमताको ब्याट्री स्टोरेज प्लान्टसहितको २५० मेगावाट क्षमताको ग्रीडमा जोडिने सौर्य परियोजना अगाडि बढ्ने भएको छ । सो आयोजनाको विस्तृत सम्भाव्यता अध्ययन प्रतिवेदन तयार पार्ने ध्येयका साथ बोर्डका प्रमुख कार्यकारी अधिकृत सुशील भट्ट र कम्पनीको तर्फबाट सो कम्पनीका तर्फबाट दक्षिण एशियाका लागि विकास प्रबन्धक वाङ जियाङले हस्ताक्षर गर्नुभयो ।
सिङ्गापुरको राइजन इनर्जीले संयुक्त उपक्रम तयार गरी सो आयोजना अगाडि बढाउन लागेको हो । समझदारीअनुसार बाँकेको कोहलपुर र कपिलवस्तुको बाणगङ्गामा क्रमशः १२५ मेगावाट क्षमताका दरले दुई वटा परियोजना सञ्चालन हुनेछ । सोही परियोजनामा २० मेगावाट दरका थप दुई गरी कूल ४० मेगावाट क्षमताका ब्याट्री स्टोरेजसमेत निर्माण हुनेछ ।
समझदारीअनुसार सर्वेक्षण अनुमति पाएको एक वर्षभित्र अध्ययन पूरा गरी लगानी बोर्डलाई प्रतिवेदन बुझाउनुपर्नेछ । गत असार ५ गते बसेको बोर्डको ४४ औँ बैठकले उक्त कम्पनीलाई सम्भाव्यता अध्ययन प्रतिवेदन तयार गर्न अनुमति दिएको थियो । सो परियोजना नेपालको हालसम्मकै ठूलो सौर्य ऊर्जा परियोजना भएको बोर्डका सहप्रवक्ता अधिकारीले जानकारी दिनुभयो ।
–––
