पाख्रिवास नगरपालिका ६ का वडाध्यक्षको घरमा मध्यरातमा आगो लगाइयो
धनकुटा,१७ मंसिर । धनकुटाको पाख्रीवास नगरपालिका ६ का वडाध्यक्ष देवेन्द्र गुरागाईंको डांडाखर्क स्थित घरमा मध्यरातमा अज्ञात ब्यक्तिले आगजनी गरेको छ ।
गुराँगाइ दम्पती सुतिरहेकै समयमा शराती घरमा आगो लगाइदिएको गुरागाइले जानकारी दिनु भयो । घरको माथिल्लो तलामा सुतेका उनिहरु सकुसल छन् ।
आगलागीबाट उनको घरको तल्लो तलाका तीनकोठा पूर्ण रूपमा जलेका छन । तल्लो तलामा ओछ्यानमा भएका कपडा र भान्साको दुइवटा ग्यास सिलिन्डर एकै ठाउमा राखेर आगो लगाएको उनको भनाइ छ ।
घटनाबारे प्रहरीले अनुसन्धान थालेको समेत गुराँगाइले जानकारी दिनुभयो ।
