समाचारका सबै काम छाडेर रोजगारको शिलशिलामा युरोपको कुनै पनि देश जाने तयारीमा एचआर न्युजका सञ्चालक हिराराज राई
धनकुटा । एचआर न्युजका सञ्चालक हिराराज राईले सबै न्युजका काम छाडेर रोजगारको शिलशिलामा युरोपको कुनै पनि देश जाने धनकुटा खबर डटकमसँग बताएका छन्।
उनले भने ‘देशमा युवाको भविष्य छैन।’ राईले नेपाली फिल्म क्षेत्रको फोटोग्राफी, भिडियोग्राफी र भिडियो एडिटरमा करिब ७ वर्ष काम गरेर छाडेका थिए। त्यस क्षेत्रबाट चाहेको जत्ति रकम पाउन छाडे पछि राईले काम त्यागेका हुन्।
उनि अहिले एचआर न्युजमा काम गरि रहेका छन् तर निरन्तरता भने दिन सकेका छैनन्। निरन्तरता दिन नसक्नुका कारण राई घर व्यवहारमै व्यस्त छन्। राईले भने ‘म घरको एक्लो छोरो हुँ, र मेरो दाजुभाई अनि दिदीबहिनीहरू छैनन्। त्यसैले घर व्यवहारमा व्यवहारिक बन्दैछु।’ उहाँको आमाबुबा बाहेक अरू परिवार नभएको बताए।
बुबा देव बहादुर राई तर गाउँमा सबैले देउभा भनेर चिन्ने गरेका छन्। र आमा राम कुमारी राईलाई राज कुमारी राई भनेर पनि चिन्ने गरेको राईले बताए। राई सन् १९९६ मा साँगुरीगढी-९, धनकुटामा जन्मेका थिए। उनले गाउँकै प्राथमिक तहको स्कुलबाट पढाई सुरू गरेका थिए। कक्षा ३ सम्म गाउँकै श्री जनजागरण प्रा.वि. तित्रिवोटेमा अध्ययन गरेर अर्को स्कुल परिवर्तन गरेका थिए। अर्को स्कुल साँगुरीगढी-८, धनकुटाका श्री लक्ष्मी नि. मा. वि. खुँडी बाट कक्षा ४ देखि कक्षा १० सम्मको अध्ययन पुरा गरि २०६८ सालमा एसएलसी दिएका थिए। त्यसपछि माथिल्लो गोकुण्डेश्वर उच्च मा. वि. मा कक्षा १२ सम्म अध्ययन गरि काठमाडौं गएर नेपाल फिल्म एकेडेमीमा फिल्म सम्बन्धी अध्ययन गरेका थिए।
नेपाल सरकारले कुनै पनि रोजगारी दिन सक्दैन र दिए पनि घर-परिवार पाल्न गाह्रो हुने राईले बताए। जत्ति अध्ययन गरे पनि आखिर अन्त्यमा विदेश पलायन हुनै पर्ने उनको भनाई छ।
