एनआरएनए विनोद कुवर पक्षको बार्षिक साधारण सभा सम्पन्न
काठमाडौं । गत १७ मार्च २०२४ का दिन काडमाडौं स्थित एक होटलमा गैर आवासिय नेपाली संघ (एनआरएनए) विनोद कुवर पक्षको बार्षिक साधारण सभा सम्पन्न भएको छ ।
११ औं विश्व सम्मेलनको निमित्त भेला भएका प्रतिनीधिहरु बार्षिक भेलामा मात्र सहभागी भएर आआफ्ने कर्मभूमि फर्किएका छन । विश्वका २५ मुलुकका एनआरएनए राष्ट्रिय समन्वय परिषदका पदाधिकारीहरु र विश्वका ४० मुलुकका प्रतिनीधिहरुको सहभागीता रहेको थियो ।
११ औं एनआरएनए विश्व सम्मेलनबाट विनोद कुवर निर्वाचित भएको दुई दिन पछाडी बद्री केसी, रबिना थापा र कुल आचार्यले अर्कै सम्मेलन गरि तिनैजना अध्यक्ष बनेका थिए । त्यस पश्चात दुबै पक्षले आफू बैधानिक एनआरएनए भएको दाबी गर्दै आएका छन भने कुन पक्ष बैधानिक भन्ने विषयमा सर्वोच्च अदालतले आउदो ३ अप्रिलका दिन फैसला दिने भएकोले विश्व सम्मेलनको निमित्त आब्हान गरिए पनि बार्षिक साधारणसभामा रुपान्तरण गरेका थिए ।
पूर्व अध्यक्ष शेष घलेद्धारा उद्घाटन गरिएको साधारण सभामा भूकम्पबाट अति प्रभावित ३ गाँउपालिकाका अध्यक्षहरुसँग पूर्ननिर्माणको निमित्त सम्झौता पनि गरयो ।
