आज त्रिबि केन्द्रिय क्याम्पसमा निर्वाचन हुंदै
काठमाडौं, १८ चैत । त्रिभुवन विश्वविद्यालयको केन्द्रीय क्याम्पसको स्वतन्त्र विद्यार्थी युनियन निर्वाचन आज हुने भएको छ ।
त्रिवि स्ववियु निर्वाचन समितिले आज एक सूचना जारी गरेर निर्वाचन चैत १८ गते सोमबार हुने जानकारी दिएको हो ।
सर्वोच्च अदालतले पाटन उच्च अदालतले निर्वाचन रोक्न दिएको अल्पकालीन अन्तरिम आदेशलाई निरन्तरता दिनु नपर्ने फैसला गरेपछि निर्वाचनको मिति आज तय गरिएको हो ।
यसअघि चैत ५ गते विवादको कारण निर्वाचन हुन सकेको थिएन । सर्वोच्चको फैसाला पछि त्रिबी, केन्द्रिय क्याम्पसलाई निर्वाचन गराउने बाटो खुल्यो ।
