झापाको दमक स्थित ब्रोडवे क्याफेमा झगडा हुंदा एक युवक घाइते
झापा । झापा दमकस्थित ब्रोडवे क्याफेमा गएराति भएको झगडामा एक युवक घाइते भएका छन्।
दमक–५ का ३२ वर्षीय सुवास तामाङलाई करिब १५–१६ जनाले लाठी, रड र बियरको बोतल प्रहार गरी आक्रमण गरेकाे प्रहरीले जनाएको छ।
आक्रमणमा दमक–८ का सुमन शाही, मुरसिदका छोरा र ‘मन्ती’ नामले चिनिने युवकसहितको संलग्नता देखिएको छ। घाइते तामाङलाई निम्स अस्पतालमा भर्ना गरिएको छ।
प्रहरीका अनुसार आक्रमणमा संलग्न समूह फरार रहेकाे र खोजतलास जारी छ।
