मुग्लिन-नारायणगढ सडक खण्डमा अवरुद्ध यातायात सुचारू
काठमाडौँ । सप्तमी फुलपातीको दिन, मुग्लिन–नारायणगढ सडकखण्डको तुइन खोला पुल नजिकै खसेको पहिरो हटाइएपछि सडक आवागमन दुईतर्फि पुनः सुचारू भएको छ।
सडक डिभिजन भरतपुरले जानकारी दिँदै बताए अनुसार, पहिरो हटाउने कार्य सफलतापूर्वक सम्पन्न भएपछि यात्रुहरूलाई सहज यातायात उपलब्ध भएको छ।
चाडपर्वको अवसरमा यात्रा गरिरहेका धेरै यात्रुहरूलाई पहिरोका कारण भएको असुविधापछि अब सडक खुलेसँगै राहत महसुस भएको छ।
