बिआरसी भुटानलाई हराऊँदै बिर्ता युनाईटेड क्लव झापा फाईनलमा
धनकुटा खबर, भदौ ३० । धनकुटामा जारी शहीद भीमनारायण अन्तर्राष्ट्रिय आमन्त्रण गोल्डकप फुटवल प्रतियोगिताको फाईनलमा डिफेन्डिङ्ग च्याम्पियन बिर्ता युनाईटेड क्लव झापा प्रवेश गरेको छ ।
आज भएको दोस्रो सेमिफाईनल खेलमा झापाले बिआरसी भुटानलाई भुटानलाई ४–० को अन्तरले हराउँदै फाईनलमा पुगेको हो ।
जीतका लागि झापाका खमिर गिलसन कन्दङ्गवाले पहिलो हाफको ३० मिनेटमा पहिलो गोल गरेका थिए । त्यसपछि पहिलो हाफकै ३४ मिनेटमा योगेश गुरुङ्गले झापाका लागि दोस्रो गोल गरेका थिए ।
दास्रो हाफको ११ मिनेटमा कर्ण लिम्बु र ३३ मिनेटमा बुद्ध चेम्जोङ्गले लगाएको गोल संगै झापा फाईनलमा पुगेको हो ।
खेल अवधिको म्यान अफ दी म्याच बिजेता टोलीका योगेश गुरुङ्ग भएका छन् ।
फाईनल खेल झापा र ब्वाईज युनियन बीच ३१ गते हुने भनिएता पनि प्राविधिक कठिनाईका कारण असोज १ गते हुने आयोजनकले जानकारी दिएको छ ।
