धरपकडलाई तिब्र पार्दै प्रहरी : गुण्डा नाईके चक्रे मिलन पनि पक्राउ
काठमाडौः आगामी वैशाख ३१ गते हुने स्थानीय निर्वाचनको सुरक्षाको विषयलाई लिएर प्रहरीले शंकास्पद व्यक्ति माथिको धरपकडलाई तिब्र पारेको छ । निर्वाचनको समयमा हुन सक्ने संभाव्य घटनालाई मध्ये नजर राख्दै प्रहरीले टोले गुण्डालाई निगरानीमा राख्नुका साथै नाइकेहरूलाई पक्राउ गर्न थालेको छ।
फाईल फोटो
ठमेललाई कार्यस्थल बनाएका राप्रपा मनाङका अध्यक्ष दिपक मनाङेलाई पक्राउ गरे लगत्तै अर्का गुण्डा नाईके चक्रे मिलनलाई समेत प्रहरीले पक्राउ गरेको छ। महानगरीय प्रहरी अपराध महाशाखाबाट खटिएको टोलीले सोमबार साँझ चक्रेलाई पक्राउ गरेको हो।
निर्वाचनको मिति नजिकिदै गर्दा प्रहरीले अन्य शंकास्पद व्यक्तिलाई निगरानीमा राखेको छ भने अन्य गुन्डानाईकेको समेत खोजिगरिरहेको छ । लिस्ट नै बनाएर प्रहरी आक्रमक रुपमा प्रस्तुत भएपछि गुण्डाहरुको भागाभाग गर्न थालेका छन् ।
