राप्रपाका उम्मेदवार मृत अवस्थामा फेला
बनेपा, वैशाख २८ । काभ्रेपलाञ्चोकको सदरमुकाम धुलिखेलमा बिहीबार राष्ट्रिय प्रजातन्त्र पार्टीका उम्मेदवार मृत अवस्थामा फेला परेका छन् ।
धुलिखेल नगरपालिका–१२ निवासी वडा सदस्यका उम्मेदवार ५५ वर्षीय सुकलाल तामाङ आफ्नै घरमा मृतावस्थामा फेला परेको जिल्ला प्रहरी कार्यालय, धुलिखेलका प्रहरी नायब उपरीक्षक नवीनराज राईले जानकारी दिए ।
‘कसरी मृत्यु भएको हो, घटनाको विस्तृत अनुसन्धान थालेका छौं,’ प्रनाउ राईले भने । रासस
