विद्यार्थीहरु लिएर जाँदै गरेको एक स्कुल भ्यानमाथि एक्कासी बिजुलीको पोल ढल्यो, डरलाग्दो दुर्घटनाबाट यसरी बचे विद्यार्थी (भिडियो सहित)
हामीहरु धेरैले हेका राखेकै हुदैनौँ कि राजधानीका विद्युतका पोलहरु कस्ता छन् र नागरिकका लागि कति सुरक्षित छन् भनेर । तर बारबार यस्तो देखिन्छ कि ती पोलहरु नागरिकको दशा बनेर बसिरहेका छन् ।
शुक्रवार मात्रै विजुलीको पोल भाँचिएपछि झण्डै एक विद्यालयका विद्यार्थीहरुले ज्यान नै गुमाउनु परेन । कमजोर संरचनाका विजुलीका पोल र पुराना पोलहरुले दुर्घटना निम्त्याउन थालेपछि विद्युत प्राधिकरणको लापरवाही उदाङ्गिएको छ । यो दृष्य राजधानीको वालुवाटार नजिकैको हो । शुक्रबार विहान सामाखुसीवाट विद्यार्थी लिएर जाँदै गरेको एक स्कुल भ्यानलाई एक्कासि विजुलीको पोलले किच्यो । तर भाग्यबस विद्यार्थीहरुलाई भने केहि भएन । घटना घटे लगतै वरिपरिका स्थानीय निकै त्रसित बने ।
लामो समयदेखि धरापमा रहेको यो विजुलीको पोलले दुर्घटना गराउला भन्ने आंकलन कसैले गरेका थिएनन् । तर शुक्रबारको यो घटनाले राजधानीका विजुलीका पोलहरुको चरम असुरक्षालाई प्रष्ट पारिदिएको छ ।
