ओली भन्छन्,- प्रदेश प्रमुखमा हाम्रो सहमति छैन
काठमाण्डौ, ४ माघ । नेकपा एमालेका अध्यक्ष केपी शर्मा ओलीले सरकारले तोकेका प्रदेश प्रमुख र अस्थायी राजधानीमा आफूहरुको सहमति नरहेको बताएका छन् ।
बैंकक स्वास्थ्य परीक्षण गरेर बिहीबार स्वदेश फर्किएका ओलीले आफ्नो स्वास्थ्य ठीक रहेको बताउँदै उनले सरकारलाई प्रदेश प्रमुख र अस्थायी मुकाम तोक्न सहमति दिएको तर, व्यक्ति र स्थानमा सहमति नदिएको बताए ।
उनले भने, ‘तोक्नु भन्ने सहमति हो । सरकारले गरेको प्रदेश प्रमुख निर्णयमा हाम्रो सहमति छैन ।’ सञ्चारकर्मिहरुले गरेको प्रदेश प्रमुखहरु हटाउनुहुन्छ ? भन्ने प्रश्नमा उनले ‘उपयुक्त समयमा उपयुक्त निर्णय लिने बताए ।’
