ट्राफिक प्रहरीद्वारा सडकमा भेट्टाएको रकम हस्तान्तरण
काठमाडौं । जिल्ला ट्राफिक प्रहरी कार्यालय सुनसरीले सडकमा फेला परेको रकम सम्बन्धित व्यक्तिलाई हस्तान्तरण गरेको छ।
माघ १ गते सांझको समयमा दुहवी भलुवा ३ स्थित ट्राफिक प्रहरी पोष्ट बिटदेखि २० मिटर उत्तरमा ट्राफिक चेकजाँच गरिरहेको अवस्थामा फेला परेको नगद ६५ हजार रुपैयाँ विहीबार ट्राफिक प्रहरी प्रमुख एसपी राजकुमार लम्सालले जिल्ला सुनसरी दुहवी ६ बस्ने विरजु कुमार साहुलाई हस्तान्तरण गरेका हुन्।
रकम फेला परेपछि ट्राफिक प्रहरीले सार्वजनिक सूचनामार्फत सम्बन्धित व्यक्तिसम्म खबर पुर्याएको थियो।
