प्रादेशिक राजधानी मागको आन्दोलनमा प्रहरी र आन्दोलनकारी बीच दीपायलमा झडप, आधा दर्जन घाईते
डोटी, ६ माघ । प्रदेश नम्बर ७ को प्रादेशिक राजधानी दीपायल हुनुपर्ने माग गर्दै गरिएको आन्दोलनमा प्रहरीले हस्तक्षेप गर्दा आधा दर्जन आन्दोलनकारी घाइते भएका छन् । आन्दोलनकारी र प्रहरीबिच ढुंगा हानाहान हुँदा आन्दोलनकारी घाइते भएका हुन् ।
झडपमा परी नेपाली काँग्रेसका नेता घनश्याम पाठकलगायत अन्य ५ जना घाईते भएका छन् । घाइतेको राजपुर स्थित महाकाली पोलिकिल्निकमा उपचार भईरहेको छ । आन्दोलन पछि गरिएको कोणसभा सकिएपश्चात एक आन्दोलनकारीले प्रहरीलाई ढुंगा हानेपछि स्थिति तनावग्रस्त बनेको थियो ।
