मन्त्रीको दादागिरी !, ‘कमाई’ रोक्न खोजेपछि मन्त्रालयका सचिवको सरुवा !
काठमाण्डौ, १२ माघ । सरकारवाट वाहिरीने बेलामा जथाभावी गर्न खोजेका मन्त्रीके काम रोक्न खोजेपछि मन्त्रीहरुले सचिव सरुवा गर्न थालेका छन् ।
आर्थिक चलखेल हुन नदिए पछि संस्कृति पर्यटन तथा नागरिक उड्डयन मन्त्रालयका सचिव महेश्वर न्यौपानेको सरुवा भएको छ । उनको सरुवा विहिवार सांझ गरिएको छ । शुक्रवार विहानवाट निर्वाचन आचासंहिता लागू हुने भएकाले सचिवको सरुवा विहिवार सांझ गरिएको छ ।
पर्यटनमन्त्री देवको दबावमा न्यौपानेलाई सार्वजनिक खरिद अनुगमन कार्यालयमा सरुवा गरीएको छ उनको स्थानमा कार्यालयका कृष्ण देवकोटालाई लगिएको छ । मन्त्री देवले सचिव न्यौपानेले आफूलाई सहयोग नगरेको आरोप लगाएका छन् ।
मन्त्रीले आफू अनुकुल राजनीतिक नियुक्ती गर्न थाले पछि सचिवले त्यसको बाधक बनेका थिए । नागरिक उड्डयन प्राधिकरणको महानिर्देशक हटाउने, त्रिभुवन अन्तर्राष्ट्रिय विमानस्थलमा क्यासिनो खोल्ने अनुमति दिने कामका लागि सचिव न्यौपाने वाधक बनेका थिए ।
मन्त्री जितेन्द्र देव र न्यौपानैको निर्वाचन अघि पनि खटपट परेको थियो । मन्त्री देवले महानिर्देशक सन्जिव गौतमलाई हटाएर मन्त्रालयकै हवाई उड्डयन महाशाखा प्रमुख सहसचिव सुरेश आचार्यलाई नियुक्त गर्न खोजेका थिए । उको सो कार्यलाई निर्वाचन आयोगले रोकेको थियो ।
गौतमले आफूसँग मन्त्रीले हाकाहाकी पैसा मागेको र पैसा दिन नमानेपछि हटाउन खोजेको दावी सार्वजनिक रुपमा गरेका छन् । लाईटनेपाल
