श्रीमती हत्या गरेर फरार पक्राउ
हेटौँडा, १५ माघ । मकवानपुर प्रहरीले हेटौँडा उपमहानगरपालिका वडा नं. ६ निवासी रामबहादुर स्याङतानलाई श्रीमती हत्याको अभियोगमा पक्राउ गरेको छ ।
पुस २१ गते राति १० बजे ६० वर्षीय स्याङतानले आफ्नी पत्नी ४२ वर्षीया मीना स्याङतानलाई हत्या गरेर फरार भएका थिए ।
कर्रामा डेरा गरी बस्ने स्याङतानले ढोकाको गजबारले टाउकोमा प्रहरी गरेर हत्या गरेको मकवानपुर प्रहरीको भनाइ छ ।
चितवनको टाँडीमा लुकेर बस्दै आएका स्याङतानलाई माघ १४ गते पक्राउ गरी आवश्यक अनुसन्धान भैरहेको जारी विज्ञप्तिमा उल्लेख छ ।
