आफ्ना सहयोद्धाले देखेको सपना पूरा गरेरै छाड्ने प्रचण्डको दृढता
काठमाडौं । नेकपा माओवादी केन्द्रका अध्यक्ष पुष्पकमल दाहालले देश निर्माणका लागि आफ्ना सहयोद्धाले देखेको सपना पूरा गरेरै छाड्ने दृढता व्यक्त गर्नुभएको छ ।
जनगायक खुसीराम पाख्रिनको स्मृतिमा आज काठमाडौंमा आयोजित कार्यक्रममा अध्यक्ष दाहालले देश निर्माणका लागि सहयोद्धाले देखेको सपना पूरा गर्ने जिम्मेवारीमा आफू सचेत रहेको बताउनु भएको हो ।
दाहालले पार्टी एकताका लागि घनिभूत छलफल भइरहेको र केही समयमै अन्तिम निर्णयमा पुगिने जानकारी दिनुभयो । मंसिरमा चितवनमा प्रकाश दाहालको शोकसभामा गीत गाउँदा–गाउँदै ढलेर पाख्रिनको निधन भएको थियो ।
