जुम्लाका किसानलाई ‘मा’र्सी धान’ भि’त्र्याउन भ्याइ-नभ्याई
महोन शाही, जुम्ला । जुम्लामा अहिले कृषकहरुलाई मार्सी धान भित्र्याउन कृषकहरुलाई भ्याइ नभ्याइ छ । हिमाली क्षेत्रमा मात्र फल्ने काली मार्सी धान पाक्ने समय भएकोले पनि कृषकहरुलाई मार्सी धान भित्र्याउन भ्यान नभ्याई भएको हो ।
जुम्लाको पुख्यौली अन्नबालीको रुपमा रहेको काली मार्सी धान अहिले जुम्लाका अधिकांश खेती योग्य जमिनमा लगाइएको छ । पाक्नका लागि लामो समय लाग्ने भएकोले केही समय जुम्लामा मार्सी धान लगाउन छोडिएको थियो । तर अन्य उत्पादनहरु राम्रो सँग हुन छोडेपछि फेरी कृषकहरु मार्सी धानतर्फ नै आकर्षित हुन थालेका हुन् ।
प्राचिनकालमा गुरुचन्दननाथ बाबाले तातोपानी गाँउपालिकाको लाछु ज्यूलाबाट लगाउन थालिएको मार्सी धान अहिले पुरै जिल्लामा लगाइन थालेको हो । खानका लागि निकै स्वादिलो र पोसिलो भएकाले यसको माग पनि बजारमा पनि उच्च छ । कालि मार्सीको राम्रो बजार भएकाले धान बिक्रि गरी घर खर्च समेत चलाउन सजिलो हुने कृषकहरुको भनाई छ ।
अहिले जुम्लाका कृषकले एक किलो मार्सी चामलको एक सय ५० रुपैँयामा बिक्रि गरिरहेका छन् । देशका अन्य शहरमा प्रति किलो पाँच सयसम्म पनि मार्सी धान बिक्रि हुने गरेको छ ।
