नेपाली भूमि मि’चिएको बारे भारतसँग वा’र्ता गर्न विशेष दूत पठाउन आवश्यक छैन : नेता नेपाल
तारा आचार्य, विराटनगर, २८ मंसिर । नेपाल कम्युनिष्ट पार्टी (नेकपा)का नेता एवं पूर्व प्रधानमन्त्री माधब कुमार नेपालले नेपाली भूमि मिचिएको बारे भारतसँग वार्ता गर्न विशेष दुत पठाउन आवश्यक नभएको बताउनु भएको छ ।
शनिबार विराटनगरमा सञ्चारकर्मीहरुसँग कुरा गर्दै नेता नेपालले नेपाली भूमि मिचेर भारतले निकालेको नक्सा बारे सरकारले पत्राचार गरिसकेकोले सचिव वा मन्त्री तहमा नै बार्ता गरेर समाधान निकाल्न सकिने बताउनु भयो ।
उहाँले तथ्यका आधारमा लिम्पियाधुरा, लिपुलेक र कालापानी नेपाली भूमि रहेकाले बार्ताबाटै समाधान निकाल्न सकिने अवस्थामा अन्तर्राष्ट्रिय अदालतमा जान नहुने जिकिर गर्नुभयो ।
नेता नेपालले गत उप–निर्वाचनले तीनै तहको सरकारको काम र व्यवहार बारे जनताले सचेत गराएकोले असन्तुष्टीहरुलाई सम्बोधन गर्दै लैजानुपर्ने धारणा व्यक्त गर्नुभयो । उहाँले सरकारको कामलाई अझै प्रभावकारी बनाउन उप–निर्वाचनको परिणामले सन्देश दिएको स्पष्ट पार्नुभयो ।
सञ्चारकर्मीहरुसँग कुरा गर्दै नेता नेपालले एक व्यक्ति एक कार्यकारी पदको मान्यता अनुसार दुई अध्यक्षको जिम्मेवारी बाँडफाड भएकोले यसबाट सरकार र पार्टी सञचालनमा निकै सहयोग पुगेको र यसलाई प्रभावकारी बनाएर अघि बढ्नुपर्ने धारणा व्यक्त गर्नुभयो ।
