प्रधानमन्त्री ओलीको गृहनगरमा पूर्वराजा ज्ञानेन्द्र शाह, एक महिनासम्म मिनी दरवारमा बस्ने
झापा । पूर्वराजा ज्ञानेन्द्र शाह आज झापा पुगेका छन् । उनी एक महिना झापामा बस्ने भएका छन् ।
उनी पूर्वरानी कोमल शाहसँग झापा पुगेका हुन । वर्षेनी जाडो समयमा पूर्व राजा झापाको दमकस्थित आफ्नै स्वामित्वमा रहेको मिनी दरवार जाने गरेका छन् । सोही क्रममा उनी बुधबार झापा पुगेका हुन् ।
उनलाई चन्द्रगढी विमानस्थलमा शुभेच्छुुकहरुले भव्य स्वागत गरेका छन् । झापामा रहँदा उनले पूर्वका प्रसिद्ध मन्दिरहरुमा पूजा अर्चना गर्ने कार्यक्रम छ ।
उनी झापा पुग्ने खबर लगत्तै विहानैबाट स्थानीयहरु स्वागतको तयारीसहित विमानस्थलमा जम्मा भएका थिए ।
