भारतीयलाई लमजुङमा नेपाली नागरिकता दिलाइयो
लमजुङ । गैर-नेपाली नागरिकलाई नेपाली नागरिकता दिन नपाउने कानूनमा स्पष्ट उल्लेख गरिएको छ ।
तर, लमजुङमा भने जनप्रतिनिधिले नै नक्कली बाबु–आमा बनाई भारतीय नागरिकलाई नेपाली नागरिकताका लागि सिफरिस बनाइदिएको तथ्य फेला परेको छ । सोही सिफारिसको आधारमा जिल्ला प्रशासन कार्यालयले नागरिकता समेत जारी गरेको छ ।
मस्र्याङ्दी गाउँपालिका वडा नं.९ स्थायी ठेगाना भएका सुगरे दमाई र सुशिला दमाईलाई नक्कली बाबु–आमा बनाई भारतीय नागरिकले अशोक दमाईको नाममा नेपाली नागरिकता लिएका छन् ।
जिल्ला प्रशासन कार्यालय लमजुङले वि.सं. २०७६ साल कात्तिक ३ गते ४५०१७६०२९६६ नम्बरको नागरिकता जारी गरेको थियो । भारतीय नागरिकले नेपाली नागरिकता लिएको कुरालाई वडा अध्यक्ष नारायण बहादुर थापाले समेत स्वीकार गरेका छन् ।
तर, आफूलाई थाहा नभएकाले नागरिकताको सिफारिस बनाइदिएको उनको भनाइ छ । यो विषयमा जिल्ला प्रशासन कार्यालयले नै वडा अध्यक्ष थापाले गल्ती स्वीकार गरेको छ । साथै नागरिकता खारेजीको प्रक्रिया अघि बढेको जनाएको छ ।
भारतीय नागरिकले नक्कली बाबु–आमा बनाई नागरिकताको प्रमाण–पत्र लिइसक्दा आवश्यक कारवाहीका लागि जिल्ला प्रशासन कार्यालय लमजुङ त्यति गम्भीर भने देखिएको छैन । न्यूज २४ नेपालबाट
