यी दुई आयोगलाई पूर्णता दिन नेकपा र कांग्रेस सहमत, ऐन-कानुन सं’शोधन गरिने
काठमाडौं । सत्य निरुपण तथा वे’पत्ता छानविन आयोगलाई पूर्णता दिन सत्तारुढ दल नेपाल कम्युनिष्ट पार्टी (नेकपा) र प्रमुख प्रतिपक्ष दल नेपाली काँग्रेस सहमत भएका छन् ।
प्रधानमन्त्रीको सरकारी निवास बालुवाटारमा शुक्रबार भएको बैंठकमा शान्ति प्रक्रियाका बाँकी काम टुं’ग्याउने र सत्य निरुपण तथा मेलमिलाप आयोग र बे’पत्ता पारिएका व्यक्तिको छानविन आयोगलाई पूर्णता दिने विषयमा सहमति भएको हो ।
बैठकमा सहभागी नेपाली कांग्रेसक नेता रमेश लेखकले ऐन, कानुनको संशोधनमा सरकार सकारात्मक देखिएकाले कानुन निर्माण प्रकृयालाई अगाडि बढाउने सहमति भएको बताए । उनले आयोग पदाधिकारी सिफारिस समितिले रिक्त पदमा पदाधिकारी सिफारिस गरोस् र त्यसलाई क्याबिनेटले नियुक्तिको प्रक्रिया अगाडि बढाओस् भन्नेमा नेताहरु सहमत भएको बताए ।
करिब एक वर्षदेखि सत्य निरुपण तथा मेलमिलाप आयोग र बेपत्तासम्बन्धी आयोगहरु पदाधिकारीविहीन छन् । सत्य निरुपणसम्बन्धी कानूनसमेत विवादित भएको अवस्थामा शुक्रबरको बैंठकले कानुनी अ ड्चन फुकाएको छ । द्व’न्द्व पी’डितहरुका संगठनहरुले आफूहरुसँग परामर्श नगरी कानून बनाउन नहुने भन्दै बि’रोध गर्दै आएका छन् ।
सत्य निरुपण तथा मेलमिलाप आयोग तथा बेपत्ता छानविन आयोग दुबैका पदाधिकारी छनोटका लागि सिफारिस समितिले तयार पारेको नामावलीमा नेताहरुबीच थप छलफल गर्ने सहमति भएको छ ।
