जोश-जाँगर र हिम्मत प्रधानमन्त्री ओलीको जस्तो हुनुपर्छ : सुनिता बराल
काठमाडौं । सत्तारुढ नेकपानिकट विद्यार्थी संगठन अनेरास्ववियुकी नेतृ सुनिता बरालले प्रधानमन्त्री केपी शर्मा ओलीको जोश जाँगर युवा पुस्ताका लागि प्रेरणादायक रहेका बताएकी छन् ।
प्रधानमन्त्री ओलीनिकट रहेकी उनले प्रधानमन्त्री ओलीमा आफू बिरामी रहेको भन्ने मनमा नराखी काम गर्ने बानी रहेको जानकारी दिइन् । बिहान ६ बजे नै प्रधानमन्त्री ओली मोर्निङवाकमा निस्कने गरेको भन्दै उनले भनिन्, ‘हामी ७ बजे बालुवाटार पुग्दा प्रधानमन्त्रीले तिमीहरु भरर्खर आउँदैछौ, म ६ बजेर मर्निङवाक गरेर आइसकेँ । अल्छि गरेर हुन्छ ? जाँगरिलो हुनुपर्छ । भन्नु हुन्छ ।’
प्रधानमन्त्री ओलीसँग अधिकांश भेटघाट भइरहने बताउन नेतृ बरालले प्रधानमन्त्री ओली खाना खानभन्दा पनि औषधि सेवनलाई ख्याल गर्ने गरेको आफूले पाएको जानकारी दिइन् । पछिल्लो समय डायलासिस गर्न थालेपछि र एपेन्डिसाइटिसको शल्यक्रिया गरेपछि भने प्रधानमन्त्री ओली राति अलि चाँडै सुत्ने गरेको उनको भनाइ छ ।
अरु बेला मध्यरातिसम्म भेटघाट गर्ने प्रधानमन्त्री ओली अहिले ११ बजे सुत्ने गरेको बताएकी उनले प्रधानमन्त्री ओलीमा देखिएको हिम्मत र जोश हरेक युवापुस्ताले सिक्नु पर्ने धारणा राखिन् ।
