धनकुटाका प्रजिअ दाहालले कोरोना संक्रमण नियन्त्रणका लागि गरे यस्तो अनुरोध
धनकुटा,जेठ १ । जिल्ला प्रशासन कार्यालय धनकुटाका प्रमुख जिल्ला अधिकारी वासुदेव दाहालले कोरोना संक्रमण नियन्त्रणका लागि राष्ट्र सेवक कर्मचारी समक्ष एक दिनको तलव योगदान गर्ने प्रस्ताव गर्नुभएको छ ।
उहाँले आज प्रशासनको फेसवुक पेजमा यो मेरो प्रस्ताव हो उल्लेख गर्दै हस्तलिखीत एक पत्र मार्फत त्यस्तो प्रस्ताव राख्नुभएको हो ।
उहाँले भन्नुभएको छ : धनकुटा जिल्लामा पनि कोरोना संक्रमणको दर दिनप्रतिदिन वढिरहेको छ । संक्रमितहरुको उपचार र परिक्षणमा सहयोग गर्ने उद्देश्यले धनकुटा जिल्ला स्थित राष्ट्र सेवक कर्मचारीहरुले १ दिनको तलव योगदान गर्नका लागि म यो प्रस्ताव गर्दछु ।
यसको नेतृत्व कर्मचारी मिलन केन्द्र धनकुटाले लिन उपयुक्त हुने उहाँको धारणा छ । उहाँको उल्लेखित प्रस्तावमा धेरैले सकरात्मक प्रतिक्रिया दिएका छन् ।
