संखुवासभामा बाबुको हत्या गरेको आरोपमा छोरा पक्राउ
संखुवासभा । संखुवासभाको पाँचखपन नगरपालिका वडा नम्वर-२ गैरीगाँउ बस्ने वर्ष २६ को सुमन राईलाई प्रहरीले पक्राउ गरेको छ ।
बुवा वर्ष ५३ को युवराज राई बिच घरायसी विषयमा गत चैत २६ गते अन्दाजी १८:३० बजेको समयमा वाद-विवाद हुँदा सुमनले बुवालाई घरको बलेसीमा लडाई ढुङ्गाले अनुहार र टाउकोमा पटक-पटक प्रहार गरी गम्भिर घाइते बनाएकोमा तत्काल उपचारको लागि जिल्ला अस्पताल खाँदबारी संखुवासभामा ल्याई उपचार भइरहेकोमा उपचारकै क्रममा सोही रातको अन्दाजी २१:५४ बजेको समयमा बुबाको मृत्यु भएको छ ।
कुटपिटमा संलग्न छोरा सुमनलाई हिजो बिहान अन्दाजी ०६:०० बजेको समयमा खाँदबारी नगरपालिका वडा नम्बर-१, संखुवासभाबाट नियन्त्रणमा लिई मुलुकी अपराध संहिता, २०७४ बमोजिम कर्तव्य ज्यान मुद्दामा म्याद थप भई अनुसन्धान भई रहेको जिल्ला प्रहरी कार्यालय संखुवासभाले जनाएको छ ।
