झापा, मोरङ र सुनसरीबाट प्रतिबन्धित लागुऔषध ब्राउनसुगर सहित ५ जना पक्राउ
बिराटनगर, जेठ ८ । कोशी प्रदेशको झापा, मोरङ र सुनसरी जिल्लाका बिभिन्न स्थानहरुबाट सोमबार प्रतिबन्धित लागुऔषध ब्राउनसुगर सहित ५ जनालाई प्रहरीले पक्राउ गरेको छ ।
लागुऔषधको ओसार पसार भईरहेको भन्ने बिशेष सूचनाका आधारमा लागुऔषध नियन्त्रण ब्युरो बिराटनगरबाट खटिएको प्रहरी टोलीले सोमवार दिउँसो सुनसरीको कोशी गाउँपालिका-१ पुरी टोलबाट ईनरुवा नगरपालिका-६ का २६ बर्षीय सुशान्त खनाललालाई ३ ग्राम ९१ मिलिग्राम ब्राउनसुगर र १ थान मोवायल सहित पक्राउ गरेको हो भने सोही टोलीले सोमवार अपरान्ह भोक्राहा नरसिंह गाउँपालिका-६ बाट सुन्दरहरैचा नगरपालिका-७ मोरङका २० बर्षीय बिमल चौधरी र २१ बर्षीय निकेश चौधरीलाई ३ ग्राम ४९ मिलिग्राम लागुऔषध ब्राउनसुगर सहित पक्राउ गरेको हो ।
यसैगरी इलाका प्रहरी कार्यालय रानीबाट खटिएको प्रहरी टोलीले बिराटनगर महानगरपालिका-१६ बाट दुहवी-२ का २० बर्षीय शुसान्त चौधरीलाई २ ग्राम ३९ मिलिग्राम लागुऔषध ब्राउनसुगर सहित सोमवार दिउँसो पक्राउ गरेको हो ।
यस्तै लागुऔषध नियन्त्रण ब्युरो काकडभिट्टाबाट खटिएको प्रहरी टोलीले झापाको मेचिनगर नगरपालिका-६ बाट दमक नगरपालिका-९ का २७ बर्षीय आषिश खडियालाई ५ ग्राम १०० मिलिग्राम लागुऔषध सहित सोमवार साँझ पक्राउ गरेको हो ।
लागुऔषध सहित पक्राउ परेका उनीहरुको सम्बन्धमा प्रहरीलेर थप अनुसन्धान गरिरहेको छ ।
