ऐरी र रोहितको उत्कृस्ट प्रदर्शनमा नेपालद्वारा अमेरिका पराजित
काठमाडौ । अमेरिका भ्रमणमा रहेको नेपालले घरेलु टोलिसंगको तिन वटा टि-ट्वान्टी अन्तर्राष्ट्रियको सिरिजमा विजयी सुरुवात गरेको छ। नेपाल र अमेरिका विच खेलिएको यो पहिलो टि-ट्वान्टी अन्तर्राष्ट्रिय खेल हो।
डलास स्थित ग्राण्ड प्रेरिमा नेपालले दिएको १६५ रनको लक्ष्य पछ्याएको अमेरिकाले पुरै २० ओभर ब्याटिंग गरेता पनि ७ विकेट गुमाएर १४७ रन मात्र बनाउन सक्यो। नेपाल १७ रनले विजयी भयो।
अमेरिकाको लागि शायन जहाँगिरले अविजित अर्धशतक बनाएता पनि जितको लागि पर्याप्त रहेन। उनले ३४ बलमा ६ चौका र २ छक्का प्रहार गरे। आन्द्रेस गोसले ३०, मिलिंद कुमारले २२ तथा जस्दिप सिंहले १६ रन योगदान दिए।
लक्ष्य पछ्याउने क्रममा खराब सुरुवात गरेको अमेरिकाले ५६ रनमा ४ विकेट गुमायो। पाँचौ विकेटको लागि शायन जहाँगिर र मिलिंद कुमारले ३८ रनको साझेदारी गर्दै इनिंग्स उकासेका थिए। तर अर्को किनारमा लगातार विकेट लिंदै नेपालले खेलमा अन्तिम सम्म दबाब बनाई राख्यो।
नेपालको बलिंगमा दिपेन्द्र सिंह ऐरीले सर्वाधिक ३ विकेट लिए जुन क्रममा ३ ओभरमा २७ रन खर्चिए। रिजन ढकाल, करन केसी र गुल्सन झाले समान १ विकेट लिए। एक विकेट नेपालले रन आउट मार्फत पायो।
टस हारेर ब्याटिंग गरेको नेपालले २० ओभरमा ९ विकेट क्षेतीमा १६४ रन बनायो।
नेपालको लागि कप्तान रोहित पौडेलले सर्वाधिक ४९ रन बनाए जुन क्रममा उनले ३३ बलमा ४ चौका र १ छक्का प्रहार गरे। दिपेन्द्र सिंह ऐरीले १७ बलमा २ चौका र १ छक्का मद्दतले २८ रन बनाए। ओपनरद्वय अनिल साह र आसिफ शेखले समान २७ रन बनाए। अनिलले १८ बलमा २ चौका र १ छक्का तथा आसिफले २७ बलमा ४ चौका प्रहार गरे। गुल्सन झाले ११ तथा कुशल भुर्तेलले १३ रन बनाए।
ओपनर अनिल र आसिफले नेपाललाई राम्रो सुरुवात दिलाउने क्रममा ४८ रनको ओपनिंग साझेदारी गरेका थिए। छैठौं ओभरमा अनिललाई अलि खानले एलबिडब्लु पारे। त्यसपछि आसिफ र कुशलले दोश्रो विकेटको लागि २१ रन जोडे। दशौँ ओभरमा आसिफ र एघारौं ओभरमा कुशलले विकेट गुमाउन पुगे। गुल्सन झा पनि लामो समय क्रिजमा जम्न सकेनन्। पाँचौ विकेटको लागि रोहित र दिपेन्द्रले ६६ रनको साझेदारी गर्दै नेपालको इनिंग्स उकासे। उन्नाईसौं ओभरमा दिपेन्द्रको विकेट पछि नेपालले बाँकि ७ बलमा ४ विकेट गुमायो।
अमेरिकाको बलिंगमा सौरभ नेत्रभाल्कर, जस्दिप सिंह र हर्मित सिंहले समान २ विकेट लिए। अलि खान र नोस्थुस केन्जीगेले १/१ विकेट लिए।
सिरिज अन्तर्गत आगामी खेल अक्टोबर २० र २१ तारिखमा खेलिनेछ। दुवै खेल नेपाली समय विहान ५:४५ बजे सुरु हुनेछ।
