शान्ति समाजको सभापतिमा रेनुका पौडेल निर्वाचित
काठमाडौं । मानव अधिकार तथा शान्ति समाज केन्द्रीय कार्यसमितिको सभापतिमा अधिवक्ता रेनुका पौडेल निर्वाचित भएकी छन्।
२०८१ माघ १७ गते गैडाकोटमा सम्पन्न समाजको २७औं राष्ट्रिय परिषद् बैठकका दौरान सम्पन्न केन्द्रीय कार्यसमितिको निर्वाचनमा वरिष्ठ उपसभापतिमा राजेन्द्र पौडेल, उपसभापतिमा अधिवक्ता लक्ष्मीनारायण मिश्र, उपसभापति (महिला)मा अधिवक्ता धन थापा, महासचिवमा प्रकाश शाही र कोषाध्यक्षमा चन्द्रमणी बन्जारा निर्वाचित भएका छन्।
यसैगरी सचिव कोशी प्रदेशमा सन्तोष रौनियार, सचिव मधेस प्रदेशमा प्रेमचन्द्र पटेल, सचिव बागमती प्रदेशमा दिवाकर पुडासैनी, सचिव गण्डकी प्रदेशमा तीर्थराज न्यौपाने, सचिव लुम्विनी प्रदेशमा धनपति (डिपी) खनाल, सचिव कर्णाली प्रदेशमा दिल्लीप्रसाद जैसी, सचिव सुदूरपश्चिम प्रदेशमा भक्तबहादुर विश्वकर्मा, सचिव (आदिवासी जनजाती)मा डोरविक्रम श्रीस, सचिव (महिला)मा रेनुका देवकोटा, सचिव (दलित)मा तुलसीराम सुनार, सचिव (मधेसी)मा ज्योति बाल्मिकी निर्वाचित भएका छन्।
१० जना सदस्यमा उमा गोतामे, सुशिला रिजाल, कौशल्या खनाल, निरमाया मिजार, अरुण ज्ञवाली, भानुभक्त रिमाल, निर्मला गौतम, सिताराम कोइराला, शम्भु राउत, लालहरी पाण्डे निर्विरोध निर्वाचित भएका छन्।
निर्वाचित पदाधिकारी/सदस्यलाई निर्वाचन अधिकृत वरिष्ठ अधिवक्ता डिल्लीबहादुर कार्कीले माघ १७ गते अपराह्न आयोजित समापन समारोहमा प्रमाणपत्र प्रदान गरेका थिए।
अब केन्द्रीय कार्यसमितिको बैठकले शान्ति समाजको विधान अनुरुप न्यूनतम ५ जना महिलासहित ६ जनालाई केन्द्रीय सदस्यमा मनोनित गर्ने छ।
