प्रेस चौतारी नेपाल नवलपुरमा तीर्थराज डुम्रेको अध्यक्षतामा नयाँ नेतृत्व चयन
काठमाडौं । प्रेस चौतारी नेपाल नवलपुर शाखा सातौँ जिल्ला अधिवेशन सम्पन्न भएको छ ।
अधिवेशनले तीर्थराज डुम्रेको अध्यक्षतामा नयाँ नेतृत्व चयन गरेको छ । जसको उपाध्यक्षमा खगेन्द्र पराजुली र ज्ञानुमाया पङ्गेनी निर्वाचित हुनुभएको छ ।
सचिवमा राजु चापागाईँ, कोषाध्यक्षमा साहित्य न्यौपाने तथा सहसचिवमा लोकनाथ पङ्गेनी र खेमनारायण महतो निर्वाचित हुनुभएको छ ।
सदस्यहरूमा प्रकाश रेग्मी, किरण गोतामे, युवराज खनाल र उत्सव बस्याल चुनिनु भएको छ ।
केन्द्रीय परिषद् सदस्यहरूमा बिना न्यौपाने, लालकुमार भट्टराई र बुद्धिसागर पोखरेल चुनिनु भएका छ ।
प्रदेश परिषद् सदस्यमा सुरक्षा कँडेल, राम सुनार र डा.नरनाथ पाण्डे निर्वाचित हुनुभएको छ ।
अधिवेशन समुद्घाटन समारोहमा कृष्ण गिरि विकास पत्रकारिता पुरस्कारबाट पोख्रेल र स्व कूलप्रसाद पङ्गेनी–स्व कुन्तादेवी पङ्गेनी, स्व कुविजा खोज पत्रकारिता पुरस्कारबाट आश गुरुङ सम्मानित हुनुभएको छ ।
