मोरङ र सुनसरीबाट लागुऔषध सहित पांच जना पक्राउ
बिराटनगर, फागुन ०३ गते । मोरङ र सुनसरीबाट लागुऔषध सहित ५ जनालाई प्रहरीले पक्राउ गरेको छ ।
फागुन ०२ गते लागुऔषध बेचबिखान भईरहेको छ भन्ने बिशेष सुचनाको आधारमा लागूऔषध नियन्त्रण ब्यूरो बिराटनगर र जिल्ला प्रहरी कार्यालय सुनसरीबाट इनरुवा नगरपालिका-१ स्थितमा खटिएको प्रहरी टोलीले देश भारत अररियाका ३३ बर्षीय कपिल मेहता र २८ बर्षीय पंकज कुमार पासवानलाई चेकजाँच गर्दा उनिहरुको साथबाट १०३ ग्राम ६९ मिलिग्राम ब्राउन सुगर फेला पारी बेचबिखानमा प्रयोग भएका BR38AK0211 नम्बरको भारतिय मोटरसाईकल सहित नियन्त्रणमा लिएको हो ।
त्यसैगरी इलाका प्रहरी कार्यालय मधुमल्ला मोरङबाट खटिएको प्रहरी टोलीले चेकजाँचको क्रममा मिक्लाजुङ गाउँपालिका-९ स्थितबाट मिक्लाजुङ-३ का २० बर्षीय पवन विश्चकर्मा र १८ बर्षीय जीवन धमलालाई प्रतिबन्धित औषधी ट्रमाडोल र स्पासपेन गरी जम्मा १४ सय क्याप्सुल र को. ४ प ४९०१ नम्बरको मोटरसाईकल नियन्त्रणमा लिएको हो भने उर्लाबारी नगरपालिका-१ बाट ट्रमाडोल र स्पासपेन गरी जम्मा ३ सय ८० क्याप्सुल औषधी सहित मिक्लाजुङ गाउँपालिका-६ घर भई हाल उर्लाबारी-१ बस्दै आएका २० बर्षीय समिर राईलाई पक्राउ गरेको हो ।
पक्राउ परेका उनिहरुको सम्बन्धमा थप अनुसन्धान भईरहेको छ ।
