सोलुखुम्बुको महाकुलुङमा बोलेरो दुर्घटना हुंदा सातजना घाइते, एकजनालाई काठमाडौं रेफर
सोलुखुम्बु । सोलुखुम्बुको महाकुलुङ गाउँपालिका क्षेत्रमा बोलेरो जिप दुर्घटना हुँदा सातजना घाइते भएका छन्।
सल्लेरीबाट छेस्काम जादै गरेको बा.१५ च १५८७ नम्बरको बोलेरो जिप सोमबार करिब दिउसो ४ बजे दुर्घटनामा परेको हो। जिल्ला प्रहरी कार्यालय सोलुखुम्बुका अनुसार सो जिप सडकबाट करिब २० मिटर तल भुवा खोलामा खसेको थियो। जिपमा सवार सातै जना घाइते भएका भए पनि उनीहरूको अवस्था सामान्य रहेको प्रहरीले जनाएको छ। सबै घाइतेहरूको उपचार माहाकुलुङ आधारभूत अस्पतालमा भइरहेको छ ।
तर चालक २४ वर्षीय टिकराम कार्कीलाई भने टाउको र ढाडमा गम्भीर चोट लागेकाले प्रारम्भिक उपचारपछि थप उपचारका लागि काठमाडौंस्थित, ट्रमा सेन्टरमा रेफर गरिएको प्रहरीले जानकारी दिएको छ।
दुर्घटनाको कारणबारे अनुसन्धान भइरहेको जिल्ला प्रहरी कार्यालय सोलुखुम्बुले जनाएको छ।-सोलु एफएम
