पाथिभारा मन्दिरमा बैबाहिक बन्धनमा बांधिए प्रहरी जोडी
ताप्लेजुङ । बडादशैंको अवसर पारेर ताप्लेजुङको पवित्र तीर्थस्थल पाथीभरा मन्दिरको चुचुरो (३,७९४ मिटर उचाइमा) एक जोडीले अनौठो विवाह सम्पन्न गरेका छन्।
मोरङका सुजन पराजुली र ओखलढुङ्गाकी सविता कार्की, दुवै जना जिल्ला प्रहरी कार्यालय ताप्लेजुङमा कार्यरत प्रहरी कर्मचारी, मन्दिरमा पुगेर वैवाहिक जीवनमा बाँधिएका हुन्।
उनीहरूको विवाहमा अभिभावकको भूमिकामा प्रमुख जिल्ला अधिकारी (प्रजिअ) शिवराज सेढाईसहित जिल्लास्थित सुरक्षाका शीर्ष अधिकारीहरू उपस्थित थिए। सेनादेखि सशस्त्र प्रहरीसम्मका प्रमुख अधिकारी मन्दिरसम्म पुगेर विवाहको साक्षी बनेका थिए।
जिल्ला प्रहरी प्रमुख (डिएसपी) वेदप्रसाद गौतमले भने, “कार्यालयमा कार्यरत भाइबहिनीको विवाह भएको हुँदा हामी अभिभावककै भूमिकामा मन्दिरसम्म गएर साथ दियौं।”
