झापामा माछा मार्न जांदा डुबेर तीन बालबालिकाको मृत्यु
झापा । झापाको गाैरादह नगरपालिका–९ बैगुन्धुरा खजुरवारी झोँडा टोलस्थित झोलुङ्गे पुलनजिक आज दिउँसो करिब १ बजे डुबेर तीन बालबालिकाको मृत्यु भएको छ।
माछा मार्ने क्रममा पानीमा डुबेका बालबालिकाहरूको पहिचान स्वीकृति मगर (९ वर्ष) र शुस्मा मगर (७ वर्ष) — अन्जु मगरकी छोरीहरू, तथा निर्मला परियारकी छोरी रोशनी दर्जी (११ वर्ष)का रूपमा गरिएको जिल्ला प्रहरी कार्यालय झापाले जनाएको छ।
स्थानीयका अनुसार ती तीन बालबालिका आफ्ना साथी रोमन भोलेसँग माछा मार्न गएका थिए।
दुर्भाग्यवश, खेल्दैखेल्दै उनीहरू गहिरो भागमा पुगेपछि एकैसाथ पानीमा डुबेर ज्यान गुमाएका हुन्।
