कार पल्टिदा श्रीमानको मृत्यु, श्रीमती र छोरा घाइते
सिन्धुली । आज बिहान सवा ११ बजेको समयमा सिन्धुलीको सुनकोशी गाउॅपालिका वडा नम्बर ६ चैनपुर स्थित बि.पी. राजमार्ग सडक खण्डबाट करिब ४२ फिट तल कार पल्टिदा एकजनाको मृत्यु भएको छ ।
बिराटनगरबाट काठमाण्डौतर्फ जादै गरेको बा ७ च ७५५४ नम्बरको कार आफै अनियन्त्रित भई सडक देखि अन्दाजी ४२ फिट तल खसी दुर्घटना भएको जिल्ला प्रहरी कार्यालय सिन्धुलीले जानकारी दिएको छ ।
मोरङको विराटनगर उप महानगरपालिका १७ का ६५ वर्षिया ओम बहादुर अर्जेलले चलाएको कारमा एकै परिवारका तीन सदस्य रहेको प्रहरीले जनाएको छ ।
दुर्घट्नामा परि ओम बहादुरको मृत्यु भएको छ भने निजको श्रीमती ४९ वर्षिया सुनिता अर्जेलको अवस्था गम्भिर रहेको र ३१ वर्षिया छोरा निशान्त अर्जेलको अवस्था मध्यम रहेको सिन्धुली प्रहरीले बताएको छ । घाईतेहरूलाई थप ऊपचारको लागि धुलिखेल अस्पताल रिफर गरिएको छ ।
