इलामको मयुँ खोलामा खस्यो मिनी ट्रक
इलाम । इलामको सूर्योदय ९, मयुँखोलास्थित फिक्कल–नयाँ बजार सडकखण्डमा जौबारीबाट फिक्कलतर्फ गुडिरहेको को १ ख २५१५ नम्बरको मिनी ट्रक दुर्घटना भएको छ ।
२ वटा मोटरसाइकल, मोटरसाइकल चालक र मोटरसाइकलमा पछाडि सवार १ जना गरी ३ जनालाई ट्रक चालकले मिनी ट्रकको डालामा राखी खोला तार्नेक्रममा मिनी ट्रक खोलामा खसेको प्रहरीले जनाएको छ ।
घटनामा मोटरसाइकल चालक झापा अर्जुनधारा ९ का अन्दाजी ३४ वर्षे सौरप सुवेदी आत्तिएर खोलाको होम पाइपमा हाम फाली सामान्य घाइते भएको प्रहरी भनाइ छ ।
मयुँ खोलामा अस्ति भर्खरै बनाएको डाइभर्सन गएरातिको पानीले क्षति गरेको थियो । -पालिका पेज
