नवराज सिलवाल, कोमल ओली र डन दिपक मनाङेको बारेमा ओलीले पत्रकार सम्मेलनमा यसो भने…! (भिडियो सहित)
काठमाण्डौ, ११ माघ । नेकपा एमालेका अध्यक्ष केपी शर्मा ओलीले पुर्व डिहाइजी नवराज सिलवालका विषयमा पहिलो पटक सार्वजनिक धारणा ब्यक्त गरेका छन् । विहिवार एमालेले आयोजना गरेको पत्रकार सम्मेलनमा एमाले अध्यक्ष ओलीले सिलवाल प्रकरण नयाँ बन्ने सरकारले छानविन गर्ने बताएका छन् ।
ओलीले सिलवाल सरकारको थ्रटमा रहेको र उनलाई ज्यानको खतरा रहेको कुरा ठिक भएको बताएका छन् । पुर्व डिआइजी तथा ललितपुर १ का तर्फवाट प्रतिनिधिसभा सदस्य सिलवालले वर्तमान सरकारवाट आफू असुरक्षित भएको भन्दै सुरक्षा माग गरेका छन् । उनले विहिवार विज्ञप्ती वारी गर्दै सुरक्षा माग गरेका हुन् ।
नेता ओलीले पत्रकार सम्मेलनमा भने सिलवाल प्रकरण बारे पछि बन्ने सरकारले यथार्थमा छानविन गर्नेछ । जो दोषि छ त्यसलाई कार्वाहि हुनेछ । राजनीतिक प्रतिशोधका कारण सरकारले अन्य अपराधीहरु छोडेर तर सिलवालको पछि प्रहरीको लाम लागाएरै लागेको टिप्पणी गरेका छन् । कार्यसम्पादन मूल्याङ्कन कीर्ते प्रकरणमा सिलवाललाई प्रहरीले फरार सूचीमा राखेको छ ।
उनले भने- सरकारले बम पड्काउनेलाई छोड भन्ने नछोडे प्रहरीकै सरुवा गर्ने र उसैलाई बम पड्काउने गरेको छ । नेपाल प्रहरीका पूर्वडिआर्इजी सिलवालले आफूलाई फसाउन खोजिएकाले सम्पर्कमा नआएको समेत बताउँदै आएका छन् । सिलवालले नयां सरकार बने पछि आफु कानुी उपचारमा सहभागी हुने बताएका छन् । झण्डै तीन दशक प्रहरी सेवामा रहेरका सिलवाल पुस १८ गतेदेखि बेपत्ता छन् । उनको परिवार समेत अमेरिका लागेको छ । उनकी श्रीमती र दुई छोरी अमेरिका गएका छन् ।
