ओली-प्रचण्ड बीच एक्काएक्लै वार्ता बाक्लियो, दाहाल भेट्न ओली पुगे खुमलटार
काठमाडौं । नेकपा एमालेका अध्यक्ष केपी शर्मा ओली नेकपा माओवादी केन्द्रका अध्यक्ष पुष्पकमल दाहाल भेट्न प्रचण्ड निवास खुमलटार पुगेका छन् ।
पार्टी एकता प्रक्रियामा रहेका एमाले र माओवादी अध्यक्षबीच एक्काएक्लै वार्ता बाक्लिएको छ । पछिल्लो समयमा उनीहरु एक्लाएक्लै वार्तामा व्यस्त देखिएका छन्।
यसअघिका समयमा दाहाल ओलीनिवास बालकोट पुग्ने गरेपनि आइतबार बिहान भने ओली दाहाल निवास खुमलटार पुगेका हुन् । भेटघाटका क्रममा प्रदेशभा निर्वाचनलगायतका विषयमा कुराकानी हुने बताइएको छ । शुक्रबार चितवनबाट फर्केपछि ओली दाहालको भेटघाट बाक्लिदैँ गएको छ ।
यसैबीच पार्टी एकताका लागि बनाइएको कार्यदलको बैठक पनि आजै बस्ने भएको छ । बिहान ११ बजे सिंहदरबारमा कार्यदलको बैठक बस्ने तयारी भएको हो ।
